देशोदेशींच्या शिष्यवृत्त्या

   पॅरिसमध्ये नव्यानेच सुरु केलेल्या ‘मॅक्स प्लँक सायन्सेस पो सेंटर’ (मॅक्स पो) या समाजशास्त्रातील संशोधन संस्थेकडून समाजशास्त्र व राज्यशास्त्र या विषयांमध्ये पी.एच.डी करण्यासाठी शिष्यवृत्ती दिली जात आहे. या शिष्यवृत्तीसाठी त्यांच्याकडून दि. १५ मार्च २०१३ पूर्वी   अर्ज मागवण्यात आले आहेत.     पार्श्वभूमी :-  फ्रान्सची ‘सायन्सेस पो’ व जर्मनीमधील ‘मॅक्स प्लँक इन्स्टिट्यूट फॉर द स्टडी ऑफ सोसायटीज’ या दोन शैक्षणिक व संशोधन क्षेत्रातील जागतिक दर्जाच्या अग्रणी संस्थांनी एकत्र येऊन संयुक्तपणे २०१२ मध्ये एका नवीन संस्थेची म्हणजे ‘मॅक्स प्लँक सायन्सेस पो सेंटर’ची स्थापना केली. सर्वत्र ती मात्र ‘मॅक्स पो’ या नावाने परिचित आहे. फ्रान्स व जर्मनी या दोन देशांना समाजशास्त्रातील उत्कृष्ट संशोधनाची पार्श्वभूमी आहे. या दोन प्रमुख राष्ट्रांमधील समाजशास्त्रातील हे सहकार्य युरोपमधील मुलभूत संशोधन अजून विकसित होण्यासाठी नक्कीच गरजेचे आहे. एकूणच, ‘मॅक्स पो’चे हे केन्द्र युरोपीय संशोधनासाठी मोलाचे योगदान देणारे ठरणार आहे यात शंकाच नाही. गेल्या चाळीस वर्ष...